Wednesday, April 15, 2015

أفضل صور لمصوري جروب نادي القاهرة للتصوير الفوتوغرافي خلال النصف الأول من شهر ابريل

تم اختيار أفضل صور تم المشاركة بها علي الجروب الخاص بالنادي (نادي القاهرة للتصوير الفوتوغرافي) 
تم الاختيار علي أساس الفكرة و الإضاءة و التكوين في كل صورة


Photographer: Mohammed Tareq

Photographer: Mo U'az

Photographer: Mahmoud Abdulhafez

Photographer: Mohamad Sakhnini

Photographer: Hossam Abbas

Photographer: Karim Eldeghedy

Photographer: Ahmad Belal

Photographer: Ahmed Eliwa

Photographer: Maurizio Ferri

Photographer: Hezlaoui Karim

Photographer: Sayed Elkafrawy

 Photographer: Nael T Qtati

 Photographer: Ahmed Ahmed Sayed

Photographer: Hossam Abbas

 Photographer: Mohammed Tareq

 Photographer: Mohamed Ahmed Kamal

Photographer: Memo Ouda

Photographer: Mohamed Sabry

Photographer: George William

Photographer: Mohamed Alsawy

Photographer: Mohamed Raafat

 Photographer: Ahmed Waheed

Photographer: Andrew Rafik

Photographer: Saber Alkiyumi

Photographer: Ahmed Essam

Photographer: Yasser Essawaf

Photographer: Ahmed Abd Elnaby

 Photographer: Mohamed Rahmo

Photographer: Nael T Qtati

Photographer: Mazen Hamam

Photographer: Hady Ameen

Thursday, April 9, 2015

الرسم بالضوء


تعرف ان في نوع من انواع التصوير اسمه الرسم بالضوء و انك ممكن تبدع فيه و تطلع منه نتائج رائعه ..
و تقدر تنفذ النوع دا بكذا طريقه:
1 – ممكن تثبت الكاميرا نفسها و تحرك مصدر الضوء زي الكشاف او الليزر مثلا
2 – ممكن يكون مصدر الضوء ثابت زي عامود نور مثلا و تحرك الكاميرا نفسها 
طيب ايه الأدوات اللي محتاجها: 
محتاج تستخدم ترايبود طبعا علشان تثبت الكاميرا و لو مفيش عندك ممكن تحط الكاميرا علي اي حاجه تثبتها و تجيب كشاف واحد او 2 و تقفل الأنوار كلها في الأوضه اللي هتنفذ فيها الصوره
تصور علي انهي وضع؟
استخدم وضع اولويه الشاتر اللي هو بيكون في الكاميرا علي حرف ال S او ال TV
و استخدم شاتر بطئ جدا يعني 20 او 30 ثانيه مثلا
اضبط الفوكس الأول علي النقطه اللي هاترسم فيها و بعد كده حرك زرار الفوكس للمانيوال
و هاتخلي الكشاف اللي بترسم بيه يكوم قدام الكاميرا (يعني مواجه ليها) و تبدأ ترسم اي شكل او تكتب اي حروف انت عايزها و تبدع في الأشكال بقي wink emoticon
و لو عايز تعمل الرسمه بالألوان ممكن تستخدم ورق شفاف ملون و تحطه علي الكشاف اللي بترسم بيه
ملحوظه اخيره .. خلي بالك انك لو هتستعمل ليزر لازم تخلي الليزر في ضهر الكاميرا يعني تقف ورا الكاميرا و ترسم علي الحيطه اللي قدامك مثلا علشان متحرقش السينسور 

بعض النصائح فى تصوير الطبيعه


بعض النصائح فى تصوير الطبيعه
فى مشكله ممكن تواجهك لما تيجى تصور مناظر طبيعيه وهى ان السماء تظهر افتح بكتير من الارض، و علشان تصلح لمشكله دى ممكن تستخدم فلتر (ND) ودا بيبقى مقسوم نصين نص غامق والتانى افتح وبتستخدمه عن طريق انك تخلى الجزء الغامق ناحيه السما والفاتح ناحية الارض و وظيفته انه بيوازن بين اضاءه السما والارض وبيطلع نتيجه كويسه جدا
فى حل تانى كتير من المصورين بيستخدموه وهو تصوير ال (HDR) ودا بيبقى عن طريق انك بتاخد كذا صورا لنفس المنظر بتعريضات مختلفه واحد مضبوط و واحد افتح و واحد اغمق وبعدين بتدمجهم على الفوتوشوب وبتطلع اضاءه السماء والارض مظبوطه
فى مشكله تانيه بعض المصورين بيغلطوها وهى انهم بيختاروا الوقت الغلط علشان يصوروا مناظر طبيعيه زى وقت تكون فيه اشعه الشمس قويه ودا بيسبب مشكله فى الصور وهى الظلال والاضاءه القويه، حل المشكله دى انك كمصورتختار الوقت الصح وهو الصبح او وقت متأخر بعد الظهر علشان الظلال والضوء يبقوا ناعمين . 

نصائح فى تصوير العيون:


نصائح فى تصوير العيون:
• اول حاجه مفروض تهتم بيها هى اختيار العدسه، من العدسات المميزه فى تصوير العيون العدسات الماكرو ودا بسبب العزل و الحده اللى بتضيفهم على الموضوع 
• تانى حاجه هى الاهتمام بمصدر الاضاءه، ممكن يكون طبيعى زي الشمس و لو صناعى يفضل يكون مستمر، وكمان تكون الاضاءه ناعمه 
• علشان تظهر العين بشكل كويس خلى بالك ان تكون الاضاءه قويه مش ضعيفه، علشان الاضاءه الضعيفه بتوسعحدقه العين وبتظهر النتيجه مش كويسه
• علشان دا نوع تصوير دقيق، استخدم الترايبود علشان تضمن عدم الاهتزاز و خلى الشاتر كمان سريع
• خلى الكاميرا موازيه للعين
• اطلب من الشخص النظر مباشره للعدسه
• خلى نقطه التركيز على العين بالضبط،
• استخدم فتحه عدسه بين 8 الي 11 و دي بتظهر نتائج احسن مايكون
اخر حاجه لازم تخلي بالك منها هي انك تختار زاوية تصوير مناسبه علشان ميظهرش انعكاسك في الصوره

ارشادات تصوير البورتريه


معظم مصورين البورتريه بيواجهوا صعوبه في تحديد وقفة الشخص اللي بيتصور ...
و انت كمصور لازم ترشد الاشخاص علشان تقف بطريقه معينه علشان تبان الصوره بشكل اجمل

1 – تصوير السيدات:
خلينا متفين ان الصوره اللي بتكون البنت فيها مواجهه للكاميرا بتكون تكوينها جامد و من غير معني و غالبا بيبان فيها الشخص تخين فحاول انك تطلب من البنت انها تغير من وقفتها و تلف بزاويه في مواجهة الكاميرا زي في الصوره 
كمان ممكن تستغل ايدها في تكوين الصوره لكن خلي بالك انك متظهرش جزء كبير من الأيد علشان متشتتش نظر المشاهد عن وش الشخص اللي هو الموضوع الرئيسي في الصوره

2 – تصوير الرجال:
هنا كمان الصوره اللي بيكون فيها الشخص مواجه للكاميرا مش بتكون ناجحه، ممكن تطلب من الشخص انه ينحني شويه قدام في مواجه الكاميرا علشان يبان بشكل أفضل زي في الصوره 
و ممكن كمان تخلي الشخص يحط ايد في جيبه و دا كمان بيظهر الشخص بشكل أفضل

3 – تصوير ال Couple
تصوير ال Couple بيعتبر نوع من التحدي لكن القاعده الأساسيه انك لازم متخليش الأشخاص واقفه بطريقه جامده في مواجهه الكاميرا ممكن تخلي الأشخاص تلف بزاويه شويه و اهتم ان يكون الصوره فيها Eye contact يعني يكون فيها الشخصين بيبصوا لبعض مثلا او تظهر المشاعر في الصوره

3 زوايا اساسيه في تصوير البورتريه



تعرف ان في 3 زوايا اساسيه في تصوير البورتريه
و كل واحده منهم بيكون ليها تأثير معين في الصوره .. و لازم قبل ما تصور اي شخص تحدد انهي زاويه هتناسبه اكتر؟

1 - اول زاويه هي الزاويه العاليه 
الزاويه العاليه بتكون فوق عين الشخص شويه و دي بتطلعلك صور ممتازه و خاصة لأنها بتبين ان الوش و الرقبه ارفع شويه و بتحدد كمان شكل الوش من تحت .. لكن خلي بالك مترفعش الكاميرا فوق اوي علشان ميبانش الشخص بشكل مش حلو

– تاني زاويه هي مستوي العين
دي تعتبر الزاويه المثاليه في معظم الحالات، و لو استخدمت اضاءه كويسه يبقي هاتخرج بنتيجه حلوه في النهايه لكن خلي بالك ان ارتفاع الكاميرا هيحدد اذا كانت الصوره حلوه او لأ، و هنا ممكن تستخدم الشاشه علشان تتأكد من ارتفاع الكاميرا المناسب 
و لو كنت اقصر من الشخص اللي بتصوره يبقي الأفضل انك تقف علي حاجه علشان توصل للارتفاع المناسب

3 – الزاويه السفليه
طبعا كلنا عارفين انك لو صورت بزاويه اقل من مستوي الشخص هتبقي النتيجه مش ممتازه لأن الشخص مش هايبان ارفع لكن ممكن تستغل الزاويه دي في انك تحط تأثير معين في الصوره و هي انك تبين ان الشخص مهم و دي ممكن تستخدمها و انت بتصور مدير شركه مثلا علشان تنفذ التأثر دا

9 خطوات علشان تهتم بالكاميرا بتاعتك


تعرف ان في 9 خطوات علشان تهتم بالكاميرا بتاعتك و تخليها تعبش أطول .. 
1 – اهم خطوه هي تنظيف جسم الكاميرا من بره و لازم تتأكد ان الكاميرا مفيهاش تراب او مايه و خاصه لما تصور بيها في جو وحش او تكون ايدك مش نضيفه – امسح جسم الكاميرا بقطعة قماش براحه علشان متسببش اي خدوش في جسم الكاميرا و ممكن تستخدم المنفاخ او الفرشه في تنظيف الشاشه او الفيو فايندر علشان تحميها من الخدش او استخدم القماش الخاص بالتنظيف – و استخدم اعواد القطن علشان تنظف الاجزاء الصغيره في الكاميرا
2 – خلي بالك ان حتي لو الكاميرا كانت Weatherproof لازم تجففها من الرطوبه بعد التصوير، و انت بتمسح العدسه استخدم الزووم فيها علشان تمسح الأجزاء اللي مش ظاهره من العدسه علشان تتأكد انها كلها نظيفه و استخدم المنفاخ علشان تنظف الأجزاء التانيه زي مكان كارت الميموري
3 – اهتم دائما ان يكون الغطاء او العدسه راكبين علي الكاميرا و متخليش الكاميرا مفتوحه علشان تتفادي دخول التراب للسينسور و حاول تكون سريع و انت بتغير العدسه و تكون في مكان مقفول بعيد عن التراب او الغبار
4 – شغل خاصيه تنظيف السينسور الموجوده في الكاميرا و دي ممكن تشغلها و الكاميرا بتشتغل او بتطفي و في مصورن كتير بيشغل الخاصيه دي لما الكاميرا تطفي علشان ميكونش في تأخير و انت بتشغل الكاميرا علشان تلقط لقطه سريعه
5 – اتأكد من ان السينسور نظيف و دي ممكن تلاحظها و انت بتصور سطح بلون واحد زي السماء او الحيطه مثلا و ممكن تنظفها بنفسك بأعواد القطن و السائل المنظف او انك توديها لحد متخصص
6 – تعرف ان الكاميرا ممكن تتخدش و انت شايلها و علشان تتفادي المشكله دي استخدم جراب الكاميرا، في جرابات مخصوصه للكاميرا بتكون من السليكون او المطاط علشان تحمي جسم الكاميرا من الخدش او الصدمات
7 – أفضل طريقه للحفاط علي الكاميرا و انت بتنقلها من مكان لمكان هي شنطه الكاميرا علشان تحميها من الصدمات او الوقعات و لازم تتأكد ان حجم الشنطه مناسب لحجم الكاميرا و لو حسيت ان الشنطه ضيقه ممكن تشيل العدسه و تخلي الغطاء علي الكاميرا و اتأكد كمان ان الشنطه مضاده للمايه
8 – في بعض الكاميرات بيكون ليها غطاء علي اماكن الوصلات او الكابلات، لو كاميرتك كده اتأكد من قفل الغطاء بعد ما تستخدمه
9 – بعد ما تستخدم اكسسوارات الكاميرا المختلفه زي الفلاشات او الكابلات لازم تشيلها من الكاميرا...