Multiple Flash Exposures

0

لو معاك فلاشات يبقى لازم تجرب ال Multiple Flash Exposures
بطل الصوره هنا هو الفلاش اللي عن طريقه تقدر تصور شخص وتظهره بكذا شكل فى نفس الصور 
هيحصل دا بخطوات بسيطه جدا:
١ - خلى الفلاش هو مصدر الاضاءه الاساسى والوحيد فى الصوره 
٢ - خلى سرعه الشاتر اكيد بطيئه 
٣ - صور الشخص واظهره بكزا وضعيه فى نفس الصوره ودا هيحصل عن طريق انك تشغل الفلاش اكتر من مره مع تغيير وضعيه الشخص كل مره تشغل فيها الفلاش
يلا جرب الطريقه وابعتلنا الصوره

levitation photography

0

لو مجربتش ال levitation photography يبقى جه الوقت اللى لازم تجربه
لأنه من اروع انوع التصوير اللى بتعتمد على الفكره الرائعه ومهاره التطبيق عن طريق التصوير وبرامج المعالجه كمان
النوع دا كمن التصوير ليه طريقتين:
اول طريقه: هى اللى بتعتمد على التصوير ودمج الصور على برامج المعالجه بطريقه فنيه واظهار المواضيع والاشخاص وهما طايرين
النوع التانى: بيقوم على سرعه الشاتر العاليه وتثبيت المواضيع فى الهوا، يعنى ممكن تصور شخص وهو بينط وتثبته فى الهواء ودا نوع من انواع تصوير ال Levitation

ايه هو ال iso performance؟

0

ال iso performance هو بيعبر عن فاعليه الكاميرا بتاعتك مع الايزو العالى
كلنا عارفين ان مع زياده نسبه الايزو بتظهر مشكله وهى الشوشره او ال Noise
بس هتلاقى نسبه الشوشره دى بتختلف من كاميرا للتانيه
فئه الكاميرا هى اللى بتفرق .. كل ماكانت فئه الكاميرا عاليه كل ما كان تأثرها بالايزو العالى قليل 
هتلاقى كاميرات ممكن تستخدم فيها ايزو بالآلاف ومش هتظهر معاك مشكله وكاميرات تانه مع استخدامك للايزو بالمآت هتلاقى نويز
فى انواع تصوير بتعتمد على سرعه الشاتر العاليه والاضاءه القليله هنا انت هتحتاج كفاءه عاليه للايزو علشان تطلع صور من غير نويز

high shutter speed

0

من اروع الحاجات اللى تقدر تعملها بالكاميرا هى تجميد لحظات عمرك ماهتشوفها على الطبيعه بالروعه دى
وهنا هتيجى وظيفه ال high shutter speed 
يعني تعلى سرعه الشاتر عندك فى الكاميرا وتصور مواضيع متحركه وهتشوف نتايج رائعه
وهو دا اللى عمله المصور هنا 
المصور اختار وقت اضاءته قويه علشان يعوض سرعه الشاتر العاليه ودخول الضوء للكاميرا ، و كمان اختار موضوع رائع وصور وطلع بنتيجه رائعه واحترافيه
يلا طلع المبدع اللى جواك وصور...

منظور عين الطائر فى التصوير

0
  بمعنى تانى زاويه التصوير الرأسيه
بتعتبر من زوايا التصوير المميزه جدا فى انواع تصوير كتير
الرائع فيها المنظوراللى بتديه هتلاقيها مميزه جدا لوصورت اكل ومنتجات ورائعه فى تصوير حياه المدينه
تقدر دلوقتى تطلع فوق سطح مبنى وتبدع فى التصوير
تقدر تطبقها مع اى نوع تصوي وتطلع صور مختلفه وجميله
يلا جرب طريقه التصوير دى على حاجات مختلفه وابعت صورك فى رساله للصفحه...

فتحه العدسه

0

فتحه العدسه هى المسؤله عن كميه الضوء اللى هيدخل للكاميرا كمان ليها تأثير مهم جدا وهو العزل
تعرف ان فتحه العدسه كل ماكانت واسعه كل ما قوه عزلها بقى قوى
وكل ماكانت ضيقه كل ماكان العزل ضعيف وكل تفاصيل الصوره واضحه
من اكتر الحاجات اللى بتميز اى عدسه هى انها تكون بتتميز بفتحه عدسه واسعه علشان دا هيدى مرونه عاليه انه يعمل عزل قوى فى الصوره
او يضيق ويخلى تفاصيل الصوره كلها واضحه...

التصوير الجوى بيعتبر من احلى انواع التصوير اللى ممكن تجربها

0

هو بيعتمد على انك تصور من الجو عن طريق طياره وكمان فى كتير مصورين بيطبقوه عن طريق انهم بيصورو من مرتفع عالى جدا
زاويه التصوير دى بتدى تأثير قوى جدا فى تصوير المناظر الطبيعيه وكمان تصوير الcity scape
لو هتصور فى النهار جرب تستخدم فلاتر ال uv علشان تاخد الوان رائعه وتوازن فى الاضاءه قوى جدا
يلا جرب انواع تصوير جديده وابعتلنا صورك...

تدعمه Blogger.

جميع الحقوق محفوظه © Cairo Photography Club

تصميمالورشه